朋友圈
每一日训醒之际，习惯性都会按一下朋友圈。咁你就会好自然感叹，微商势力真系和气质强大，好似统治咗成个宇宙咁。可能当你刷完一篇朋友圈之后，你就恍然大悟，朋友圈又多咗几个人转咗做微商。甚至连隔离屋阿二叔公个侄女，隔离村嘅三姑同六婆都开始卖紧减肥药，建设课程等一系列.......
鸡汤文
不过有时候你都会觉得，其实朋友圈里面有几个微商都未必系一件坏事，因为从早上你带住疲倦嘅身躯起身果一刻开始，佢哋就已经开始帮你灌输正能量。你有乜可能会冇心机工作。
“女人，靠父母极其量係公主，靠老公最多係王妃，靠自己你先係真正嘅女王！”（朋友圈出现过无数次）
“我已经在反哺父母了，而你还在用着他们给的钱！”
“同样係玩手机，点解我哋可以赚钱而你唔得！”
“唔好问我可以搵到几多钱，当你问呢句话嘅时候，你嘅思想仲停留係同人哋打工嘅阶段，可以搵到多少钱，呢个问题你要问下你自己究竟想搵几多钱！”（好矛盾阿，大佬。咁你想我做定唔定啊？）
浮夸的朋友圈广告
佢哋每日发好多鸡汤文，有时候饮得多鸡汤，我都开始有D反胃，所以每隔一段时间，我总会屏蔽那么一两个微商。除咗我朋友阿强之外，因为佢系做地产嘅，佢真系好钟意加微商，因为佢可以复制佢哋D鸡汤文段子，每日提醒D人要早D上车，快D买楼。
咁另外我最顶唔顺嘅就系果D浮夸嘅朋友圈广告，有时候我真係会心谂，陈奕迅唱浮夸嘅表情，都冇你哋D微商广告咁浮夸。
温馨提示
如果有一日，你朋友圈里面有个人开始炫富，晒豪宅，开豪车，唔好怀疑佢，因为佢可能已经做咗微商了。
係米真系可以搵咁多阿大佬？可能好多人都会怀疑，不过正Gor我身边真系有个咁嘅朋友。阿强，冇错就系做房地产果个阿强，佢受唔住诱惑，跟住都去咗做微商，短短2个月时间，佢真系赚到咗50万。
因为佢卖假货，跟住俾人殴断咗只脚，跟住保险公司赔咗佢50万医药费。
你唔用个脑谂下，都问下你身边D朋友啦。你问下佢哋，除咗去抢，点样可以每日发朋友圈月入50万啊？
呢D晒钱，晒屋，晒包包嘅真系唔算乜。以下呢个我相信你哋一定经历过。
但係真相竟然.....
这X装得都能上天了，咋你不真的飞上天呢。
仲有好多吹水吹到上天果D，大家睇完唔知咩睇法，求大家心里面积。
又要见马云，又要喷某宝
以下呢个真系，浮夸过陈奕迅。
大佬，呢D真系智商告急。
微(wei) 同 徽(hui)，真系咁难分？安徽人真系活生生俾你哋激Q死。
真系一而再，再而三。安徽人，你们就认了吧。
仲有呢个又系搞笑，电视采访。
姐姐，后面果个咩嚟噶？
高考题目都俾你哋玩一餐，真系阴功猪咯。
问题系你修图，修完上面个题目，下面个标题你就唔改嘅？
仲有呢D浮夸嘅移花接木型
如果阿婆知道你咁样P佢，佢真系.....你哋有冇问过人哋阿婆肯唔肯噶？
你嫌我贵你傻X型
前后矛盾型
结束
坦白讲句，微商我并不讨厌。因为有D真微商，人哋卖嘅系好产品，或者人哋有一系列出奇新意嘅营销手法。令到你买都买得舒服。并唔洗好似某D人话宅，拿住部手机，发下朋友圈就可以月入几多几多。太夸张了吧，呢个世界变有免费嘅午餐。卖广告唔紧要，唔好咁浮夸嘛。愿你哋还我朋友圈一篇净土。大家仲有D咩新奇嘅微商广告，留言评论话俾我哋知。
